Իրանի գերագույն առաջնորդ Ալի Խամենեին ասել է, որ չի հավատում, որ ԱՄՆ-ը կարող է հարձակվել երկրի վրա դրսից, սակայն եթե Վաշինգտոնը փորձի ապստամբություն հրահրել Իսլամական Հանրապետության ներսում, դա կոշտ պատասխան կստանա:
«Սպառնում են վատ բան անել, բայց մենք չենք կարծում, նույնիսկ քիչ հավանական է, որ դրսից չար բան անեն: Բայց եթե անգամ դա անեն, մեր պատասխանը կոշտ կլինի: Եթե հանկարծ որոշեն ապստամբություն բարձրացնել երկրի ներսում, ապա Իրանի ժողովուրդն ինքը նրանց պատասխան կտա»,-ասել է նա:
Մարտի 30-ին ԱՄՆ նախագահ Դոնալդ Թրամփը հայտարարել է, որ երկու շաբաթից երկրորդական մաքսատուրքեր կսահմանի Իրանի դեմ, եթե Իրանի միջուկային ծրագրի շուրջ բանակցություններում առաջընթաց չգրանցվի։ Գործարքը կնքելուց հրաժարվելու դեպքում Իսլամական Հանրապետությունը կբախվի աննախադեպ ռմբակոծության:
Հետևեք մեզ տելեգրամում
