Հայաստանի արտաքին գործերի նախարարությունը ցավակցություն է հայտնել Հնդկաստանի Պահալգամ քաղաքում տեղի ունեցած ահաբեկչության առնչությամբ։
«Ցնցված ենք` լսելով Պահալգամում տեղի ունեցած սարսափելի ահաբեկչության մասին։ Մեր խորին ցավակցությունն ենք հայտնում զոհերի ընտանիքներին և շուտափույթ վերականգնում մաղթում վիրավորներին։ Հայաստանը եղբայրական Հնդկաստանի կողքին է ցանկացած տեսակի ահաբեկչության դեմ պայքարում»,-ասված է ՀՀ ԱԳՆ-ի X-ի էջում։
Առնվազն 28 մարդ է զոհվել Հնդկաստանի հյուսիսի Ջամու և Քաշմիր նահանգում տեղի ունեցած ահաբեկչության հետևանքով: Հնդկաստանի անվտանգության ուժերը hրապարակել են ենթադրյալ ահաբեկիչների էսքիզները:
Հետևեք մեզ տելեգրամում
