ԱՄՆ նախագահ Դոնալդ Թրամփը ապրիլի սկզբին իր եգիպտացի գործընկեր Աբդել Ֆաթթահ ալ-Սիսիի հետ հեռախոսազրույցի ժամանակ հայտարարել է, որ ցանկանում է ապահովել ամերիկյան նավերի ազատ անցումը Սուեզի ջրանցքով։ Այս մասին հաղորդում է The Wall Street Journal-ը (WSJ)՝ հղում անելով իր աղբյուրներին։
Ջրանցքով նավային երթևեկության կրճատման, ինչպես նաև Եգիպտոսի եկամուտների անկման պատճառը Եմենի հութիների կողմից շարունակվող հարձակումներն են։
Թերթի աղբյուրների փոխանցմամբ, Թրամփը հույս է հայտնել, որ հութիների դեմ գործողություններում ռազմական օգնության, հետախուզական տվյալների փոխանակման կամ ֆինանսավորման տեսքով աջակցություն կստանա Կահիրեից, սակայն ալ-Սիսին հրաժարվել է կատարել այդ պահանջները՝ մատնանշելով, որ «Գազայի հատվածում կրակի դադարեցումը լավագույն միջոցն է հութիներին կանգնեցնելու համար»։
Սպիտակ տան Ազգային անվտանգության խորհրդի խոսնակ Ջեյմս Հյուիթը WSJ-ին ասել է, որ Կարմիր ծովում ամերիկյան նավարկության ազատությունը «օգտակար կլինի աշխարհի գործընկեր երկրների, այդ թվում՝ Եգիպտոսի համար»։
«(Հուսիթների դեմ) շահավետ ռազմական գործողության բեռը պետք է կիսվի, և ամերիկյան նավերի ազատ տարանցումը Սուեզի ջրանցքով այդ բեռը կիսելու միջոցներից մեկն է»,-թերթը մեջբերում է Հյուիթի խոսքերը։
Հետևեք մեզ տելեգրամում
