Իրանը վճռականորեն և ամբողջ ուժով կարձագանքի Իսրայելի կողմից ցանկացած ագրեսիայի։ Այս մասին հայտարարել է Իրանի արտաքին գործերի նախարարության ներկայացուցիչ Էսմայիլ Բաղային՝ մեկնաբանելով Իսրայելի վարչապետ Բենիամին Նեթանյահուի սպառնալիքները Թեհրանի հասցեին։
«Մենք անպայման կպատասխանենք ցանկացած ագրեսիայի՝ մեր ողջ ուժով և ամենավճռական ձևով։ Մի՛ կասկածեք դրանում», – ընդգծել է Բաղային։
Նրա խոսքով՝ Թեհրանի համար կարևոր չի, թե որտեղից կլինի հարձակում իր վրա, պատասխան կլինի ցանկացած կողմին։
Հիշեցնենք, որ երեկ Նեթանյահուն հայտարարել էր, որ Իրանը կանգնած է հութիների «Անսար Ալլահ» շարժման գործողությունների հետևում և վստահեցրել, որ Իսրայելը «հստակ ուղերձ» կուղարկի Թեհրանին։ Իսրայելական բանակը ավելի ուշ հայտնեց, որ հութիների հրթիռի բեկորները ընկել են Բեն Գուրիոն օդանավակայանի տարածքում։
Հետևեք մեզ տելեգրամում
