Թուրքիայի նախագահի աշխատակազմի հանրային կապերի վարչությունը հայտնում է, որ հեռախոսազրույց է տեղի ունեցել Թուրքիայի նախագահ Ռեջեփ Թայիփ Էրդողանի և ԱՄՆ նախագահ Դոնալդ Թրամփի հետ։
Զրույցի ընթացքում քննարկվել են Թուրքիա–ԱՄՆ երկկողմ հարաբերությունները, ինչպես նաև տարածաշրջանային և գլոբալ հարցեր։
Էրդողանը ընդգծել է, որ Թուրքիան շարունակելու է քայլեր ձեռնարկել ԱՄՆ-ի հետ համագործակցությունը զարգացնելու ուղղությամբ, հատկապես ռազմարդյունաբերության ոլորտում։
Նա նշել է, որ աջակցում է պատերազմների ավարտի գործում նախագահ Թրամփի մոտեցումներին, ինչպես նաև մեծապես գնահատում է Իրանի հետ ընթացող բանակցային գործընթացը և Ռուսաստանի ու Ուկրաինայի միջև հակամարտությունը ավարտելու ջանքերը։ Էրդողանը նաև անդրդարաձել է Գազայում տիրող իրավիճակին։
Անդրադառնալով Սիրիային՝ Թուրքիայի նախագահը նշել է, որ ջանքեր է գործադրվում Սիրիայի տարածքային ամբողջականության պահպանման և կայունության հաստատման համար։ Նա հավելել է, որ ԱՄՆ-ի կողմից Սիրիայի նկատմամբ պատժամիջոցների մեղմացման ուղղությամբ տարվող աշխատանքները կնպաստեն նշյալ գործընթացին։ Ըստ Էրդողանի՝ կայուն Սիրիան կնպաստի թե՛ տարածաշրջանային, թե՛ համաշխարհային խաղաղությանը։
Զրույցի ավարտին Էրդողանը Թրամփին հրավիրել է Թուրքիա։
Ermenihaber.am
Հետևեք մեզ տելեգրամում
