Իրանի և ԵԱՏՄ-ի միջև ազատ առևտրի գոտու վերաբերյալ համաձայնագրի իրականացումը կմեծացնի Թեհրանի և միության երկրների միջև առևտրատնտեսական համագործակցության ծավալը: Այս մասին հայտարարել է Իրանի արտաքին գործերի նախարարության խոսնակ Էսմայիլ Բաղաեին:
«Իրանի և ԵԱՏՄ երկրների միջև այս համաձայնագրի ուժի մեջ մտնելը կհանգեցնի Իրանի և հինգ երկրների (ԵԱՏՄ անդամներ) միջև առևտրատնտեսական փոխանակումների զգալի աճի, ուստի մենք վճռական ենք օգտագործել յուրաքանչյուր հնարավորություն, որպեսզի բարձրացնենք այդ երկրներից յուրաքանչյուրի ներուժից ստացված արդյունավետությունը»,-ասել է Բաղաեին:
Նրա խոսքով՝ ԵԱՏՄ-ն (որը ներառում է Ռուսաստանը, Բելառուսը, Ղազախստանը, Հայաստանը և Ղրղզստանը) հատուկ արժեք ունի Իրանի համար, քանի որ այն հիմք է ստեղծում Թեհրանի տնտեսական և առևտրային կապերի ընդլայնման համար։
Հետևեք մեզ տելեգրամում
