Իրանի նախագահ Հասան Ռոհանին երկրի կառավարության նիստի ժամանակ հայտարարել է, որ նավթային շուկայում տիրող իրավիճակն ամենաքիչը հարվածում է Իրանին, քանի որ երկիրը դադարել է կենտրոնանալ նավթից ստացվող եկամուտների վրա:
«Բոլոր նավթային երկրներին, այդ թվում մեզ, նման իրավիճակը վնասում է: Որոշ երկրների համար այդ վնասը շատ մեծ է, մեզ համար այն շատ ավելի քիչ է: Ես այնպիսի վերնագրեր եմ տեսել, իբր սա մեզ համար հաջողություն է, ուրիշների համար` անհաջողություն: Ո՛չ, բոլորն են խնդիրների առաջ կանգնել: Մեր երկրի վնասները կամա թե ակամա, կամ սեփական որոշման արդյունքում, կամ թշնամիների ստեղծած պայմանների արդյունքում քիչ կլինեն, քանի որ մենք դադարեցրել ենք նավթի վրա շեշտը դնելը»,-ասել է Իրանի նախագահը:
Ավելի վաղ Ռոհանին հայտարարել էր, որ ԱՄՆ-ի պատժամիջոցներն այդքան ազդեցիկ չէին լինի, եթե Իրանը մեծ կախվածություն չունենար «սև ոսկուց»: Այս տարի Ռոհանին հայտարարել է, որ Իրանն առաջին անգամ պատմության մեջ սկսել է չկենտրոնանալ նավթի վրա:
Հետևեք մեզ տելեգրամում
