Թուրքիայի նախագահ Թայիփ ԷրդողանըՍտամբուլում հանդիպել է Պակիստանի վարչապետ Շահբազ Շարիֆի հետ: Թուրքիայի նախագահը նշել է, որ երկու երկրները կձգտեն ընդլայնել համագործակցությունը, հատկապես պաշտպանության, էներգետիկայի և տրանսպորտի ոլորտներում:
Շարիֆին իր հերթին ասել է, որ Թուրքիայի և Պակիստանի շահերից է բխում ուժեղացնել համերաշխությունը կրթության, հետախուզական տվյալների փոխանակման և «ահաբեկչության» դեմ պայքարում տեխնոլոգիական աջակցության ոլորտներում։
Հանդիպմանը ներկա են եղել նաև Թուրքիայի արտաքին գործերի նախարար Հաքան Ֆիդանը, պաշտպանության նախարար Յաշար Գյուլերը և ազգային հետախուզական ծառայության ղեկավար Իբրահիմ Քալընը։
Հիշեցնենք, որ Հնդկաստանի և Պակիստանի միջև ռազմական հակամարտությունից հետո, որի պատճառը հնդկական Քաշմիրում տեղի ունեցած ահաբեկչությունն էր, Անկարան իր աջակցությունն էր հայտնել Իսլամաբադին։
Հետևեք մեզ տելեգրամում
