ՀՀ վարչապետ Նիկոլ Փաշինյանը «Երևանյան երկխոսություն» երկրորդ միջազգային ֆորումի ժամանակ հայտարարել է, որ անձամբ կնախաձեռնի փոփոխություններ Հայաստանի հիմնական օրենքում, եթե Սահմանադրական դատարանը չհաստատի Ադրբեջանի հետ խաղաղության համաձայնագիրը։
«Մենք պետք է համաձայնագիրը ուղարկենք Սահմանադրական դատարան։ Այստեղ այլընտրանք չկա։ Եթե Սահմանադրական դատարանը որոշի, որ համաձայնագիրը չի համապատասխանում Հայաստանի օրենքներին, ապա իմ անձնական դիրքորոշումն այն է, որ ես կնախաձեռնեմ սահմանադրության փոփոխություններ, քանի որ կարծում եմ, որ խաղաղություն կնքելու հնարավորությունը չպետք է բաց թողնել»,-ասել է նա:
Փաշինյանը ներկայացրել է նաև Հայաստանի մտահոգությունները՝ կապված Ադրբեջանի հռետորաբանության հետ՝ նշելով, որ վերջին տարիներին Ադրբեջանը սկսել է Հայաստանի շուրջ 60 տոկոս տարածք անվանել «Արևմտյան Ադրբեջան», ինչը մտահոգիչ քայլ է և սպառնալիք Հայաստանի ինքնիշխանության համար։ Փաշինյանը շեշտել է, որ Հայաստանը երբեք չի ընդունի որևէ «Արևմտյան Ադրբեջանի» գոյություն իր տարածքում։
Նա նաև վերահաստատել է, որ Հայաստանի Սահմանադրության մեջ չկա որևէ դրույթ, որը տարածքային պահանջներ է ներկայացնում Ադրբեջանի նկատմամբ, ինչի մասին Հայաստանն բազմիցս հայտարարել է։
Հետևեք մեզ տելեգրամում
