Թուրքիայի արտաքին գործերի նախարար Հաքան Ֆիդանը Մոսկվայում կայացած բանակցությունների ժամանակ հաստատել է Անկարայի պատրաստակամությունը հյուրընկալելու Ուկրաինայի հարցով խաղաղության բանակցությունների նոր փուլը և ցանկացած աջակցություն ցուցաբերելու հակամարտության կարգավորմանը։ Այս մասին գրում է կառավարամետ «Հյուրիեթ» թերթը։
Ֆիդանը Մոսկվայում է գտնվում երկօրյա այցով՝ իր ռուս գործընկեր Սերգեյ Լավրովի հրավերով։ Մայիսի 26-ին նա հանդիպել է Ռուսաստանի նախագահի օգնական Վլադիմիր Մեդինսկու հետ, ով ռուսական պատվիրակությունը գլխավորել է մայիսի 16-ին Ստամբուլում կայացած Ուկրաինայի հետ բանակցություններում: Ֆիդանին ընդունել է նաև Ռուսաստանի նախագահ Վլադիմիր Պուտինը:
Բանակցություններում մեկ այլ կարևոր թեման, ինչպես նշում է «Հյուրիեթը», Սիրիայում ստեղծված իրավիճակն է։ «Անկարան ցանկանում է, որ Ռուսաստանը շարունակի աջակցել Սիրիայի քաղաքական և տարածքային ամբողջականությանը»,-ասված է հրապարակման մեջ։
Հետևեք մեզ տելեգրամում
