Ն.Ս.Օ.Տ.Տ. Գարեգին Բ և Ն.Ս.Օ.Տ.Տ. Արամ Ա կաթողիկոսները մասնակցում են Արցախի հոգեմտավոր ժառանգությանը նվիրված համագումարին

Երեքշաբթի, 27 Մայիս 2025-ին, Զուիցերիոյ մայրաքաղաք Պեռնի մէջ բացումը պիտի կատարուի Արցախի հոգեւոր, մշակութային ու պատմական ժառանգութեանց պաշտպանութեան նուիրուած միջազգային համագումարին՝ կազմակերպուած Եկեղեցիներու Համաշխարհային Խորհուրդին (Ե.Հ.Խ.) եւ Զուիցերիոյ Բողոքական Եկեղեցւոյ կողմէ:

Համագումարի բացման նիստին խօսք պիտի առնեն Ն.Ս.Օ.Տ.Տ. Գարեգին Բ. Կաթողիկոս եւ Ն.Ս.Օ.Տ.Տ. Արամ Ա. Կաթողիկոս: Գարեգին Բ. Վեհափառ Հայրապետը անձամբ պիտի արտասանէ իր խօսքը, իսկ Արամ Ա. Վեհափառ Հայրապետը տեսերիզի միջոցաւ պիտի յղէ իր խօսքը:

Այս ժողովին Մեծի Տանն Կիլիկիոյ Կաթողիկոսութիւնը (Մ.Տ.Կ.Կ.) պիտի ներկայացնեն Կաթողիկոսարանիս միջ-եկեղեցական բաժանմունքի պատասխանատու Գերշ. Տ. Նարեկ Արք. Ալեէմէզեան, Զուիցերիոյ մէջ Մ.Տ.Կ.Կ. միջ-եկեղեցական յարաբերութեանց ներկայացուցիչ փրոֆ. Թենի Փիրի-Սիմոնեան, Միջին Արեւելքի Եկեղեցիներու Խորհուրդի ընդհանուր քարտուղարի օգնական Սեդա Խտըշեան եւ Ընկերվար Միջազգայնականի փոխ նախագահ Մարիօ Նալպանտեան։