Թուրքիայի արտաքին գործերի նախարար Հաքան Ֆիդանը չի բացառել նախագահ Ռեջեփ Թայիփ Էրդողանի այցը Միացյալ Նահանգներ: Միևնույն ժամանակ, ըստ Ֆիդանի, հնարավոր է Սպիտակ տան վարչակազմի ղեկավար Դոնալդ Թրամփի այցը Թուրքիա։
«Նախագահներ Էրդողանի և Թրամփի այցերի ուղղությամբ աշխատանքները շարունակվում են: Մեր նախագահը կարող է այցելել Վաշինգտոն: Հնարավոր է նաև պարոն Թրամփի այցը Թուրքիա: Այցի նախօրեին նրանք կարող են հանդիպել Հաագայում կայանալիք ՆԱՏՕ-ի գագաթնաժողովում (հունիսի 24-25): Նրանք հաճախ շփվում են հեռախոսով, նրանց վարած բանակցությունները չափազանց արդյունավետ են»,-ասել է Ֆիդանը Milliyet թերթին։
Նշենք, որ մայիսի 5-ին՝ Թրամփի հետ հեռախոսազրույցից հետո, Էրդողանը հայտարարել էր, որ վերջինս իրեն հրավիրել է այցելել Միացյալ Նահանգներ: Այցի մոտավոր ամսաթվերը դեռևս հայտնի չեն, մինչդեռ թուրքական լրատվամիջոցները չեն բացառում, որ այցը կարող է տեղի ունենալ հունիսին:
Հետևեք մեզ տելեգրամում
