ԱՄՆ նախագահ Դոնալդ Թրամփը Թուրքիայում ԱՄՆ դեսպան Թոմաս Բարաքին նշանակել է Սիրիայի հարցով դեսպան։
«Ուրախ եմ հայտարարել, որ Թուրքիայում ԱՄՆ դեսպան Թոմաս Բարաքը կծառայի որպես Սիրիայում մեր դեսպան։ Թոմը հասկանում է, թե ինչքան մեծ է Սիրիայում աշխատելու ներուժը, որի նպատակն է կանխել արմատականությունը, բարելավել հարաբերությունները և Մերձավոր Արևելքում հաստատել խաղաղություն։ Միասին մենք կրկին անվտանգ կդարձնենք Ամերիկան և աշխարհը»,-գրել է Թրամփը X սոցիալական ցանցում։
Մայիսի սկզբին ԱՄՆ պետքարտուղար Մարկո Ռուբիոն հայտարարել էր, որ ամերիկյան իշխանությունները վախենում են Սիրիայի կառավարության՝ մոտ ժամանակներս անկման հավանականությունից, ուստի Վաշինգտոնը պատրաստ է աջակցություն ցուցաբերել Դամասկոսին:
Ռուբիոն պարզաբանել է, որ ԱՄՆ վարչակազմը թույլ կտա Թուրքիայում գտնվող ամերիկացի դիվանագետներին համագործակցել սիրիացի պաշտոնյաների հետ՝ պարզելու համար, թե արդյոք նրանք մարդասիրական օգնության և իրավապահ մարմինների կատարելագործման գործում օգնության կարիք ունեն։
Հետևեք մեզ տելեգրամում
