Վրաստանի ներքին գործերի նախարար է նշանակվել Գելա Գելաձեն, ով եղել է կրթության և գիտության, պաշտանության նախարարների տեղակալը, ինչպես նաև ՊԱԾ տնօրենի տեղակալ։ Նա փոխարինել է Վախթանգ Գոմելաուրիին, ով հրաժարական է ներկայացրել հանգստանալու նպատակով։
Վախթանգ Գոմելաուրին մայիսի 28-ին հրաժարական է տվել՝ հայտարարելով, թե հավատարիմ է մնալու իշխող թիմին և անհրաժեշտ պահի պատրաստ է վերադառնալ և նորից կանգնել իշխող թիմի և պետության կողքին։
«Տասը տարուց ավելի ես զբաղեցրել եմ Վրաստանի ներքին գործերի նախարարի, պետական անվտանգության ծառայության ղեկավարի և փոխվարչապետի պաշտոնները։ Իհարկե, այդքան տարիներ շարունակ բարձրաստիճան պետական պաշտոններ զբաղեցնելը շատ աշխատատար գործ է և պահանջում է մեծ էներգիա։ Այսօր, երբ երկրում իրավիճակը հանգիստ է, ես ինձ թույլ եմ տվել և խնդրել եմ թիմին հեռանալ պաշտոնից, ինչը թույլ կտա ինձ ավելի շատ ժամանակ նվիրել ընտանիքիս՝ կնոջս, երեխաներիս և թոռնիկիս»,- հայտարարել է Գոմելաուրին՝ մի քանի անգամ շնորհակալություն հայտնելով «Վրացական երազանքի» հիմնադիր Բիձինա Իվանիշվիլիին և գործող վարչապետ Իրակլի Կոբախիձեին։
ՆԳ նոր նախարարին գերատեսչության աշխատակիցներին է ներկայացրել վարչապետ Իրակլի Կոբախիձեն։
Հետևեք մեզ տելեգրամում
