Թուրքիայի նախագահ Ռեջեփ Թայիփ Էրդողանը կոչ է արել լուրջ գնահատական տալ Ռուսաստանի արտգործնախարար Սերգեյ Լավրովի առաջարկին՝ Ստամբուլում Ուկրաինայի հարցով նոր բանակցությունների անցկացման վերաբերյալ և նշել է, որ այս նախաձեռնությունը ամրապնդել է խաղաղ կարգավորման հույսերը։
«Ռուս-ուկրաինական պատերազմը վերածվել է բազմաշերտ ճգնաժամի, որը ծավալվում է ոչ միայն այս երկու երկրների միջև, այլև համաշխարհային խաղացողների մասնակցությամբ։ Ինչպես գիտեք, մեր արտգործնախարար Հաքան Ֆիդանն այցելել էր Ռուսաստան։ Մոսկվայում ունեցած բանակցություններից հետո Ռուսաստանի արտգործնախարար Սերգեյ Լավրովը հայտարարություն արեց։ Լավրովն ասաց, որ իրենք կցանկանային, որ Ռուսաստանի և Ուկրաինայի միջև բանակցությունների երկրորդ փուլը տեղի ունենա Ստամբուլում։ Այսպիսով, մենք հույս ունենք, որ Ստամբուլի խաղաղության գործընթացը կվերսկսվի։ Լավրովի այս հայտարարությունը չպետք է թեթև ընդունել»,-Ադրբեջանից վերադառնալու ճանապարհին լրագրողների հետ զրույցում ասել է Էրդողանը։
Հետևեք մեզ տելեգրամում
