Միացյալ Նահանգները Սիրիայում իր ռազմական ներկայության կրճատման շրջանակում փակել է այդ երկրում գտնվող երկու ռազմաբազա, իսկ մեկ այլը հանձնել է քրդական «Սիրիայի դեմոկրատական ուժերին» (SDF): Պենտագոնի խոսնակը Al-Arabiya-ին նաև փոխանցել է, որ ամերիկյան հրամանատարությունը վերջին մի քանի շաբաթների ընթացքում Արաբական Հանրապետությունից դուրս է բերել մոտ 500 զինվորականի:
Հեռուստաալիքի տվյալներով՝ քրդական ուժերը կվերահսկեն «Եփրատ» ռազմաբազան (Mission Support Site Euphrates)։ Փակված ամերիկյան բազաներից մեկը «Կանաչ գյուղ» բազան է (Mission Support Site Green Village), մյուսի անունը չի նշվում:
Հետևեք մեզ տելեգրամում
