«Հուսով եմ, որ գործարք կլինի Իսրայելի և Իրանի միջև: Կարծում եմ՝ ժամանակն է համաձայնության»,- ասել է Թրամփը՝ պատասխանելով լրագրողների հարցերին Կանադա մեկնելուց առաջ, որտեղ մասնակցելու է Յոթնյակի խմբի (Մեծ Բրիտանիա, Գերմանիա, Իտալիա, Կանադա, ԱՄՆ, Ֆրանսիա և Ճապոնիա) ղեկավարների գագաթնաժողովին։
«Բայց երբեմն պետք է հարցերը լուծել կռվելով: Մենք կտեսնենք, թե ինչ կլինի: Կարծում եմ, որ բոլոր հնարավորությունները կան, որ գործարք լինի»,- հավելել է Թրամփը՝ նկատի ունենալով ռազմական գործողությունների շարունակման հավանականությունը։
ԱՄՆ նախագահը վստահեցրել է, որ Վաշինգտոնը կշարունակի օգնություն ցուցաբերել Իսրայելին պաշտպանության հարցում։ Թրամփը հրաժարվել է պատասխանել այն հարցին, թե արդյո՞ք նա հրեական պետության իշխանություններին խնդրել է դադարեցնել հարվածները Իրանին։
Հունիսի 15-ին Վաշինգտոնի վարչակազմի ղեկավարը վստահություն է հայտնել, որ շուտով խաղաղություն կհաստատվի Իրանի և Իսրայելի միջև, և նշել, որ այդ նպատակով ներկայումս անցկացվում են հանդիպումներ և հեռախոսային բանակցություններ։
Հետևեք մեզ տելեգրամում
