Իրանի փոխարտգործնախարար Քազեմ Ղարիբաբադին Իրանի հեռուստատեսությանը տված հարցազրույցում անդրադարձել է ԱՄՆ հետ բանակցությունների հավանականությանը։
Ղարիբաբադին նշել է, որ բանակցությունների հարցում իրենք ունեն սկզբունքային դիրքորոշում, որը դեռ շարունակվում է։
«Իրանի իրավունքները վերաբերում են միջուկային ոլորտին և պատժամիջոցների վերացմանը, և Իրանը առավելապաշտական պահանջներ չի ընդունելու։ Մենք երբեք բանակցությունների սեղանի շուրջ չենք նստել պատրանքներով կամ հակառակ կողմի նկատմամբ վստահությամբ։ Մենք միշտ պատրաստ ենք ցանկացած իրավիճակի։ Երբ բանակցում ես, քո պաշտպանական հատվածն էլ պետք է պատրաստ լինի։ Եթե պետք է բանակցություն կայանա, ապա մեր սկզբունքները պետք է հարգվեն։ Իրանը թույլի դիրքից բանակցությունների չի մասնակցելու։ Հաղթանակի չափանիշն այն է, որ 12-օրյա պատերազմից հետո մենք ականատես ենք համախմբման և միասնության»։
Հետևեք մեզ տելեգրամում
