Արաբագետ Արմեն Պետրոսյանն անդրադարձել է Սիրիայում տեղի ունեցող վերջին զարգացումներին։
Սիրիայի հարավային ալ-Սուվեյդա նահանգում տեղաբնիկ դրուզների և Սիրիայի կառավարական ու նրանց հարող բեդվինական ուժերի միջև մի քանի օր տևած բախումները, հնարավոր է, ժամանակավորապես դադարեցին՝ նաև ԱՄՆ-ի կողմից գործադրված ջանքերի արդյունքում։
Իսրայելի ուղիղ ռազմական միջամտությունն ստեղծված իրավիճակին կարող էր ավելի տևական դարձնել հակամարտությունը, քանի որ իսրայելական հատուկ ծառայությունները երկար ժամանակ են աշխատում Սիրիայի մասնատման և դրուզական տարածաշրջանի՝ Իսրայելին աստիճանական ինտեգրման ուղղությամբ։ Մինչդեռ հատկապես Թուրքիայի ակտիվ ներգրավվածությունը ներսիրիական գորընթացներին, ԱՄՆ-ի՝ նոր հակամարտություններից խուսափելու ձգտումն առայժմ սահմանափակեցին Իսրայելի հնարավորությունները։
Ինչ վերաբերում է բուն գործընթացին, ապա ալ-Սուվեյդայում տեղի ունեցողը սիրիական կառավարության կողմից շուրջ մեկ տասնամյակ ինքնակառվարվող տարածաշրջանում պետության ինքնիշխանության վերականգնմանը միտված գորողություն էր։
Հարկ է հիշեցնել, որ սիրիական քաղաքացիական պատերազմի ընթացում ալ-Ասադի վարչակարգը խուսափում էի այ-Սուվեյդայի դեմ գործողություններից՝ զգուշանալով Իսրայելի հավակնություններից՝ հակապես երկրում արտաքին միջամտության համար ձևավորված բարենպաստ իրավիճակի պայմաններում։
Ուստի, թեպետ կառավարական ուժերի գործողությունը լիարժեք արդյունավետություն չունեցավ, կառավարական ԶՈՒ-երը դուրս բերվեցին քաղաքից, բայց բացահայտ ուղերձ հղեվց Իսրայելին առ այն, որ Սիրիայի գործող կառավարության նկատմամբ առկա է տարածաշրջանային և միջազգային լայն աջակցություն, և ներկայում Սիրիայի մասնատման սցենարի հավանականությունը միայն Իսրայել-Սիրիա խախտված ռազմական հավասարակշռությամբ և Սիրիայի ներսում եղած բազմաթիվ խնդիրներով չի պայմանավորված, այլ նաև՝ արտաքին գործոններով։
Այնպես որ, գուցե այս պահին ալ-Սուվեյդայում իրավիճակը կառավարելի դառնա, բայց քանի դեռ աշխարհում շարունակվում է գլոբալ անորոշությունը, Իսրայելը փորձելու է պարբերաբար օրակարգ բերել Սիրիայի հարավի անեքսիայի սցենարը, ինչպես վերջին երկու տարիներին սեփական անվտանգային միջավայրի բարելավման բազմաթիվ փորձերն էին։
Արմեն Պետրոսյան
Հետևեք մեզ տելեգրամում
