Նիդեռլանդներն իսրայելցի երկու նախարարների հայտարարել է «պերսոնա նոն գրատա»

Նիդեռլանդների իշխանությունները Իսրայելի ազգային անվտանգության նախարար Իտամար Բեն-Գվիրին և Իսրայելի ֆինանսների նախարար Բեզալել Սմոտրիչին հայտարարել են անցանկալի անձ՝ արգելելով նրանց մուտքը թագավորություն։ Այս մասին հայտնել է NOS հեռուստաալիքը՝ հղում անելով Նիդեռլանդների արտաքին գործերի նախարար Կասպար Վելդկամպի՝ խորհրդարանին ուղղված նամակին։

Փաստաթղթում նշվում է, որ Սմոտրիչը և Բեն-Գվիրը «բազմիցս նպաստել են պաղեստինյան բնակչության դեմ բռնության հրահրմանը՝ անընդհատ պաշտպանելով Արևմտյան ափին հրեական բնակավայրերի ընդլայնումը և կոչ անելով «էթնիկ զտումների Գազայի հատվածում»։ Այնտեղ նշվում է, որ Նիդեռլանդները նաև մտադիր է երկու նախարարներին ավելացնել Շենգենյան տեղեկատվական համակարգի տվյալների բազայում՝ որպես «օտարերկրյա քաղաքացիներ, որոնց մուտքը Շենգենյան գոտի անցանկալի է»։

Բացի այդ, Իսրայելի դեսպանը կկանչվի Նիդեռլանդների արտաքին գործերի նախարարություն՝ «հրեական պետության իշխանություններին հիշեցնելու միջազգային մարդասիրական իրավունքի նորմերը պահպանելու անհրաժեշտության մասին» և կոչ անելու նրանց փոխել Գազայի հատվածի հարցում իրենց դիրքորոշումը։