Միջազգային ճնշումը Իսրայելի վրա չի փոխի նրա քաղաքականությունը, այն միայն խաթարում է Գազայի հատվածում հրադադարի հասնելու և պատանդների ազատ արձակման հնարավորությունները։ Այս մասին մամուլի ասուլիսում հայտարարել է արտգործնախարար Գիդեոն Սաարը:
«Դիվանագիտական ճնշումը չի փոխի մեր քաղաքականությունը։ Ոչ մի արտաքին ուժ չի ստիպի Իսրայելին զոհաբերել իր անվտանգությունը։ Մենք միշտ բաց ենք կառուցողական երկխոսության համար, բայց ճնշումը մեզ վրա չի ազդի: Ճնշումը ուղղակիորեն խաթարում է հրադադարի և պատանդների ազատ արձակման հնարավորությունները, այն միայն մղում է ռազմական էսկալացիայի՝ կոշտացնելով «ՀԱՄԱՍ»-ի դիրքորոշումը»,-ասել է Սաարը։
«Մենք թույլ չենք տա, որ «ՀԱՄԱՍ»-ի ահաբեկչական պետությունը ստեղծվի մեր բնակավայրերից ընդամենը մի քանի կիլոմետր հեռավորության վրա»,-շարունակել է արտաքին գործերի նախարարության ղեկավարը՝ նշելով, որ հրեական պետությունը «չի զոհաբերի իր գոյությունը հանուն այն երկրների, որոնք վարում են հաշտեցման քաղաքականություն»:
Հետևեք մեզ տելեգրամում
