Վրաստանի էկոնոմիկայի և կայուն զարգացման նախարար Մարիամ Քվիրիվաշվիլին հանդիպել է Թուրքիայի տրանսպորտի և ենթակառուցվածքների նախարար Աբդուլքադիր Ուրալօղլուի հետ։
Կողմերը քննարկել են երկկողմ տնտեսական հարաբերությունները, հատկապես՝ առևտրի, տրանսպորտի, ավիացիայի և զբոսաշրջության ոլորտներում։ Ընդգծվել է, որ Թուրքիան Վրաստանի առաջատար առևտրային գործընկերն է։ Վրացական կողմը ներկայացրել է կարևոր ենթակառուցվածքային նախագծեր, ինչպես օրինակ՝ երկաթուղու արդիականացումը, նոր օդանավակայանի, նակլիայի նավահանգստի կառուցումը և Բաքու–Թբիլիսի–Կարս երկաթուղու զարգացումը։
Քննարկվել է նաև քաղաքացիական ավիացիայի ոլորտում համագործակցության խորացումը, որի արդյունքում 2025 թվականի առաջին կիսամյակում երկու երկրների միջև ուղևորափոխադրումների թիվը գերազանցել է 615 հազարը՝ աճելով 5.97%-ով։ Քվիրիվաշվիլին թուրք գործընկերոջը հրավիրել է մասնակցելու հոկտեմբերի 22-23-ը Թբիլիսիում կայանալիք հինգերորդ Միջազգային Մետաքսի ճանապարհի համաժողովին։
Թուրքիան ու Վրաստանը մտադիր են առևտրաշրջանառությունը 5 մլրդ դոլարի հասցնել
Հետևեք մեզ տելեգրամումՎերջին լուրեր
