Իսրայելը մոտ է Գազայի հատվածում պաղեստինյան «ՀԱՄԱՍ» շարժման և տարածաշրջանում այսպես կոչված իրանական առանցքի այլ անդամների դեմ իր ռազմական գործողության ավարտին։ Այս կարծիքը հայտնել է Իսրայելի վարչապետ Բենյամին Նեթանյահուն՝ ելույթ ունենալով Երուսաղեմում Քնեսեթի թանգարանի (Իսրայելի խորհրդարան) բացման արարողության ժամանակ։
«Հենց այս օրերին, երբ մենք մեծ հաղթանակներ ենք տանում նրանց նկատմամբ, ովքեր եկել էին մեզ ոչնչացնելու, երբ մենք կանգնած ենք արշավն ավարտելու շեմին՝ փորձելով ոչնչացնել իրանական առանցքի մնացորդները և ազատ արձակել մեր բոլոր պատանդներին՝ թե՛ կենդանի, թե՛ մահացած, մենք այստեղ՝ Երուսաղեմի սրտում, մեր հավերժական մայրաքաղաքում, նշում ենք մեր գոյության և մեր անկախության փաստը։ Սա տոն է Իսրայել պետության և Քնեսեթի համար»,-ասել է Նեթանյահուն:
Հետևեք մեզ տելեգրամում
