Իրանի նախագահի գրասենյակի ղեկավար Մոհսեն Հաջի Միրզային հայտնել է, որ Մասուդ Փեզեշքիանի Հայաստան այցի ընթացքում 9 հուշագիր է ստորագրվելու:
«Իրանը և Հայաստանը, չնայած մշակութային տարբերություններին, մեկ ընդհանուր քաղաքակրթության մաս են: Նախագահի այցի ընթացքում 9 հուշագիր է ստորագրվելու: Առևտրային համագործակցության զարգացումն այս այցի հիմնական նպատակներից է»,-ասել է Մոհսեն Հաջի Միրզային:
Իրանի նախագահն Հայաստան է ժամանել օգոստոսի 18-ին։ Օգոստոսի 19-ին Երևանում կանցկացվի գործարար համաժողով՝ Իրանի Իսլամական Հանրապետության նախագահ Մասուդ Փեզեշքիանի` օգոստոսի 18-21-ը Հայաստան նախատեսված այցի շրջանակներում։
Հետևեք մեզ տելեգրամում
