Երևանում կանցկացեն «Սարոյանական օրեր»

Սեպտեմբերի 5-11-ը Երևանում կանցկացվեն «Սարոյանական օրեր»։Նախաձեռնությունն իրականացվում է ՀՀ-ում ԱՄՆ դեսպանության և ՀՀ կրթության, գիտության, մշակույթի և սպորտի նախարարության հետ համատեղ։ Նախաձեռնությունը հնարավորություն կտա ծանոթանալ ամերիկահայ գրող Վիլյամ Սարոյանի մի շարք հազվագյուտ ստեղծագործություններին և նորովի դիտարկելու նրա կյանքն ու գործունեությունը․

Նախատեսվում է ընթերցողի դատին հանձնել 22 անտիպ պատմվածք և հանրության համար բացահայտել Սարոյան նկարչին՝ դեռևս չցուցադրված 100 աշխատանքով։  Սա վերջին 20 տարվա ընթացքում հանրության դատին հանձնված սարոյանական նոր գործերի ամենամեծ քանակությունն է, որը տրամադրվել է Սարոյանի արխիվների կողմից։  Միջոցառումները կներառեն ցուցահանդեսներ, թատերական բեմադրություններ, կինոցուցադրումներ, գրական քննարկումներ և գրական մրցույթ հայ ստեղծագործողների մասնակցությամբ։