Բրազիլիայի նախկին նախագահ Ժաիր Բոլսոնարոն դատապարտվել է 27 տարվա ազատազրկման: Բրազիլիայի Գերագույն դատարանի դատավորների կոլեգիան Բոլսոնարոյին մեղավոր են ճանաչել 2022 թվականի ընտրություններում իր ձախակողմյան մրցակից Լուիս Ինասիու Լուլա դա Սիլվային պարտվելուց հետո նրա դեմ դավադրություն ղեկավարելու մեջ։ Լուիս Ինասիու Լուլա դա Սիլվան դեռևս Բրազիլիայի նախագահն է։
Բոլսոնարոյի փաստաբանները վճիռը որակել են «խիստ անհամաչափ» և խոստացել բողոքարկել այն «բոլոր մակարդակներում, այդ թվում՝ միջազգային մակարդակում»։
Դատավորները վճռել են, որ չնայած դավադրությունը չի կարողացել ապահովել զինվորականների բավարար աջակցությունը, այն այնուամենայնիվ հանգեցրել է 2023 թվականի հունվարի 8-ին Բոլսոնարոյի կողմնակիցների կողմից կառավարական շենքերի գրոհին։
Հետևեք մեզ տելեգրամում
