Ասիական զարգացման բանկը (ԱԶԲ) հաստատել է 360 միլիոն դոլարի վարկ՝ Բաթումի-Սարփի նոր ճանապարհի կառուցման համար: Այդ ճանապարհը տանում է մինչև Թուրքիայի հետ սահման և կազմում է Արևելք-Արևմուտք մայրուղու մի մասը։
«Բաթումի-Սարփի ճանապարհը, որը Վրաստանի արդիականացված ճանապարհային ցանցի վերջին հատվածն է, կամրապնդի երկրի տարածաշրջանային դիրքը որպես առևտրի և լոգիստիկայի համար նախընտրելի ուղի, ինչպես նաև ավելի շատ տնտեսական հնարավորություններ կստեղծի Վրաստանի ժողովրդի համար»,-ասել է ԱԶԲ-ի Վրաստանի գծով տնօրեն Լեսլի Բեարման Լամը։
11 կիլոմետրանոց հատվածը, որը կկապի Բաթումիի շրջանցիկ ճանապարհը Սարփիի վրաց-թուրքական սահմանային անցակետի հետ, կկառուցվի Տրանսեվրոպական մայրուղիների չափանիշներին համապատասխան։
Արևելք-Արևմուտք մայրուղին կամ E-60 եվրոպական տարանցիկ ճանապարհը մեծությամբ երկրորդ եվրոպական տարանցիկ միջանցքն է, որը սկսվում է Բրեստից (Ֆրանսիա) և ավարտվում Իրկեշտամում (Ղրղզստան):
Հետևեք մեզ տելեգրամում
