Գազայի հակամարտության կարգավորման համաձայնագրի ֆոնին Եվրոպական հանձնաժողովը մտադիր է վերանայել Իսրայելի հետ Ասոցացման համաձայնագրի մասնակի սառեցման ծրագիրը: Այս մասին Բրյուսելում կայացած ճեպազրույցի ժամանակ հայտարարել է Եվրոպական հանձնաժողովի խոսնակ Անվար ալ-Անունին։
«Վերջին իրադարձությունների համատեքստում Եվրոպական հանձնաժողովը քննարկում է Իսրայելի հետ Ասոցացման համաձայնագրի մասնակի կասեցման գործընթացը դադարեցնելու հնարավորությունը»,-ասել է նա։
Գազայի զինված հակամարտության ամբողջ ընթացքում Եվրոպական հանձնաժողովը չի կարողացել ապահովել ԵՄ անդամ բոլոր պետությունների աջակցությունը համաձայնագրի մասնակի սառեցման ծրագրի շուրջ՝ Իսրայելի վրա դիվանագիտական ճնշում գործադրելու նպատակով: Հետևաբար, համաձայնագրի մի քանի առևտրային դրույթների կասեցման գործընթացը դեռևս չի սկսվել։
Ալ-Անունին նաև Եվրամիությունից օգնություն է խոստացել Գազային։
Հետևեք մեզ տելեգրամում
