Թուրքիան և այլ երկրներ փորձագետներ կուղարկեն Գազայի հատված, րոպեսզի օգնեն գտնել զոհված պատանդների մնացորդները։ Այս մասին X սոցիալական մեդիա հարթակում գրել է Axios-ի թղթակից Բարաք Ռավիդը՝ հղում անելով ԱՄՆ նախագահ Դոնալդ Թրամփի վարչակազմի երկու պաշտոնյաների։
«Նրանք («ՀԱՄԱՍ»-ը, խմբ․) հայտարարել են, որ Գազան չունի նման որոնողական գործողությունների համար անհրաժեշտ ծանր տեխնիկան։ «ՀԱՄԱՍ»-ի համար գործնականում անհնար է հասնել բոլոր զոհվածներին»,-ասել է պաշտոնյաներից մեկը։
Լրագրողի խոսքով՝ ԱՄՆ-ը պաղեստինցիներին պարգև կառաջարկի պատանդների մարմինների որոնումը հեշտացնող տեղեկատվության դիմաց։
Նշենք, որ մինչ այս պահը «ՀԱՄԱՍ»-ը վերադարձրել է 10 մարդու մարմին, սակայն ևս 19 պատանդի մարմին մնում է Գազայի հատվածում: Շարժման ռազմական թևը հայտարարել է, որ Իսրայելին է վերադարձրել բոլոր կենդանի պատանդներին, ինչպես նաև բոլոր մահացածների մարմինները, «որոնց կարողացել են հասնել»:
Հետևեք մեզ տելեգրամում
