Հայաստանը կրճատ աշխատանքային շաբաթ ունեցող երկրների շարքում է

Արհմիությունների համընդհանուր կոնֆեդերացիան հրապարակել է աշխարհում աշխատանքային շաբաթվա տևողության վերաբերյալ հոկտեմբերյան զեկույցի։ Ըստ այդ զեկույցի՝ Հայաստանում աշխատանքային շաբաթվա միջին տևողությունը կազմում է 31-35 ժամ, իսկ աշխարհի բազմաթիվ երկրներում ընդունված աշխատանքային շաբաթվա տևողությունը 40 ժամն է։

Ավելի կարճ աշխատանքային շաբաթ ունեցող պետությունների թվում են նաև Նիդերլանդները, Բելգիան, Գերմանիան, Դանիան, Իռլանդիան, Իսպանիան, Իտալիան, Լյուքսեմբուրգը, Նորվեգիան, Ֆինլանդիան, Ֆրանսիան, Շվեյցարիան, Շվեդիան և Էստոնիան. այնտեղ աշխատակիցները շաբաթական միջինը մինչև 36 ժամ են աշխատում։

Միևնույն ժամանակ, Մեքսիկայում, ՀԱՀ-ում, Թուրքիայում, Թաիլանդում, Վիետնամում և Սերբիայում աշխատանքային շաբաթը գերազանցում է 40 ժամը։

Մասնագետները շեշտում են, որ աշխատաժամանակի տևողությունը սերտորեն կապված է տնտեսության կայունության և արտադրական գործընթացների արդյունավետության հետ։