Հայաստանի զորախմբերը Տաջիկստանում կմասնակցեն հակաահաբեկչական վարժանքների

ԱՊՀ երկրների «Համագործակցություն-Հակաահաբեկչություն-2025» համատեղ վարժանքի եզրափակիչ փուլը կանցկացվի Տաջիկստանի «Ֆահրաբադ» զորավարժարանում: Այդ մասին հայտնում է ԱՊՀ Հակաահաբեկչական կենտրոնի մամուլի բյուրոն։

Հակաահաբեկչական վարժանքներին կմասնակցեն Հայաստանի, Բելառուսի, Ղազախստանի, Ղրղզստանի, Ռուսաստանի, Տաջիկստանի և Ուզբեկստանի զորախմբերը:

Վարժանքի առաջին փուլն անցկացվել է հոկտեմբերի 7-ից 9-ը։ Դրա շրջանակներում մշակվել են պայմանական ահաբեկիչների հայտնաբերման և ձերբակալման խնդիրները, որոնք հարձակումներ էին նախապատրաստում կրիտիկական ենթակառուցվածքների օբյեկտների և մարդկանց զանգվածային կուտակման վայրերի վրա։