Ադրբեջանական բանակը կհամապատասխանի ՆԱՏՕ-ի չափանիշներին։ Այդ մասին հայտարարել է Ադրբեջանի նախագահ Իլհամ Ալիևը։ Այդ համատեքստում նա նշել է, որ Ադրբեջանի հարաբերությունները ընդլայնվում են ՆԱՏՕ-ի անդամ երկրների հետ։ Ավելին, Ալիևը ընդգծել է, որ Բաքուն սերտորեն համագործակցում է թուրքական բանակի հետ՝ ՆԱՏՕ-ի չափանիշներին համապատասխանելու շրջանակներում։
Օգոստոսին Ադրբեջանի ղեկավարը հայտարարել է, որ երկրի զինված ուժերը պետք է լինեն պատերազմի մշտական պատրաստության վիճակում՝ հաշվի առնելով համաշխարհային գործընթացների անկանխատեսելիությունը։ Նաև նշել էր, որ վերջին տարիներին հատուկ նշանակության ուժերի թիվը զգալիորեն ավելացել է, և ստեղծվել են նոր դիվերսիոն ստորաբաժանումներ։
Հետևեք մեզ տելեգրամում
