Ղազախստանը պատրաստ է ամսական 15-20.000 տոննա պարենային ցորեն առաքել Հայաստան։ Այդ մասին հայտարարել է Ղազախստանի գյուղատնտեսության նախարարությունը։
Նշել է, որ գերատեսչության ենթակայության տակ գործող «Պրոդկորպորացիա» ընկերությունը բանակցություններ է վարում հայկական կողմի հետ, որը հետաքրքրված է ղազախական ցորենի կայուն մատակարարումներով։ Ընկերությունը հավելել է, որ ապագայում դեպի Երևան արտահանման ծավալները կարող են ավելանալ։
Հիշեցնենք, որ անցած շաբաթ Ղազախստանն առաջին անգամ Հայաստանի անկախությունից ի վեր իր ցորենն ուղարկել է Հայաստան՝ Ադրբեջանով անցնող տարանցիկ ճանապարհով։ 15 վագոններից բաղկացած գնացքը, որը տեղափոխել է 1000 տոննա ցորեն, անցել է Ռուսաստանի, Ադրբեջանի և Վրաստանի տարածքներով և հասել Հայաստան։
Հետևեք մեզ տելեգրամում
