Ռոնալդուն բաց կթողնի Հայաստանի դեմ հանդիպումը

Պորտուգալիայի ազգային թիմի հարձակվող Քրիշտիանու Ռոնալդուն բաց կթողնի աշխարհի առաջնության ընտրական փուլի Հայաստանի դեմ վերջին տուրի հանդիպումը:

Մունդիալ-2026-ի ընտրական փուլի նախավերջին տուրում Պորտուգալիան արտագնա խաղում մրցեց Իռլանդիայի դեմ ու զիջեց 2:0 հաշվով:

Այս խաղում կարմիր քարտ ստացավ Պորտուգալիայի ազգային թիմի ավագ Քրիշտիանու Ռոնալդուն, ով բաց կթողնի Հայաստանի դեմ վերջին տուրի հանդիպումը: Այժմ մրցաշարային աղյուսակի առաջատարը 10 միավորով Պորտուգալիան է, երկրորդ տեղում 8 միավորով Հունգարիան է, Իռլանդիան 7 միավոր ունի, իսկ Հայաստանը վերջինն է 3 միավորով: