Վրաստանի և Եվրամիության միջև մարդու իրավունքների վերաբերյալ նոյեմբերի 21-ին Բրյուսելում նախատեսված տարեկան հանդիպումը հետաձգվել է անորոշ ժամկետով։
Եվրահանձնաժողովի խոսնակ Անիտա Հիպերը հաստատել է հետաձգումը՝ ասելով, որ դա «վրացական կողմից խոչընդոտների պատճառով է»:
«ԵՄ-ն պատրաստ է այս կապակցությամբ հանդիպում անցկացնել՝ ներկայացնելու ԵՄ դիրքորոշումը մարդու իրավունքների վերաբերյալ»,-հավելել է նա:
Վրացական մեդիան հայտնում է, որ հանդիպումը հետաձգվել է, քանի որ վրացական իշխանությունները նախատեսված պատվիրակությունների ցուցակում ներառել են պատժամիջոցների տակ գտնվող պաշտոնյայի։
Հետևեք մեզ տելեգրամում
