Ադրբեջանի նախագահ Իլհամ Ալիևի՝ Ռուսաստանում կայանալիք ԱՊՀ երկրների ղեկավարների ոչ պաշտոնական գագաթնաժողովին չմասնակցելու որոշումը Մոսկվայի համար անակնկալ չէր։ Այս մասին լրագրողներին հայտնել է Ռուսաստանի նախագահի մամուլի քարտուղար Դմիտրի Պեսկովը։
«Մենք լիովին հասկանում ենք։ Իրոք, բոլոր պետությունների ղեկավարները շատ խիտ գրաֆիկ ունեն, հատկապես դեկտեմբերին՝ Նոր տարվա նախաշեմին», – ընդգծել է Կրեմլի խոսնակը՝ նշելով, որ Ռուսաստանը շարունակում է զարգացնել իր գործընկերային հարաբերությունները Ադրբեջանի հետ։
Նշենք, որ Ալիևը որոշել է չմասնակցել Սանկտ Պետերբուրգում կայանալիք գագաթնաժողովին՝ իր խիտ աշխատանքային գրաֆիկի պատճառով։
Հետևեք մեզ տելեգրամում
