Իրանի արտաքին գործերի նախարարությունը հայտարարություն է տարածել՝ դատապարտելով Իրանի ներքին գործերին ԱՄՆ նախագահի և վարչակազմի միջամտողական հայտարարությունները։
«Վաշինգտոնի քաղաքականությունը Իրանի դեմ սահմանափակված չէ միայն տնտեսական ճնշմամբ, այլ ներառում է հոգեբանական պատերազմ, ապատեղեկատվության տարածում, ռազմական միջամտության սպառնալիքներ, բռնության ու ահաբեկչության հրահրում»,-ասված է հայտարարության մեջ։
ԱԳՆ-ն նշել է, որ այս գործողությունները հակասում են ՄԱԿ-ի կանոնադրությանը, միջազգային իրավունքի նորմերին և մարդու իրավունքների հիմնարար սկզբունքներին, իսկ ԱՄՆ-ի միակողմանի պատժամիջոցները վնասում են իրանցիների առօրյան և հակամարդկային են։
Հայտարարությունում նաև ընդգծվել է, որ Իրանը ճանաչում է խաղաղ բողոքի իրավունքը, սակայն արտաքին միջամտությունը անընդունելի է, և իրանցի ժողովուրդը թույլ չի տա խաթարել երկրի ինքնիշխանությունն ու անկախությունը։
Հետևեք մեզ տելեգրամում
