Իրանում հիպերինֆլյացիայի և իրանական ռիալի փոխարժեքի աննախադեպ անկման պատճառով սկսված բողոքի ցույցերը շարունակվում են արդեն 12 օր։ Ցուցարարները դուրս են եկել Թեհրանի և այլ խոշոր քաղաքների փողոցներ։ Այդ մասին հաղորդում է Deutsche Welle-ն։
Նշվում է, որ ըստ նորվեգական Iran Human Rights կազմակերպության տվյալների՝ զոհվել է առնվազն 45 ցուցարար, այդ թվում՝ 8 անչափահաս։ Իրանական ԶԼՄ-ներն ավելի վաղ հայտնել էին 21 զոհի մասին, որոնք շարքում կան նաև անվտանգության ուժերի ներկայացուցիչներ։
Իսկ ըստ բրիտանական NetBlocks կազմակերպության՝ Իրանի իշխանությունները գրեթե ամբողջովին արգելափակել են ինտերնետի հասանելիությունը։ Cloudflare IT-ընկերության տվյալներով՝ հունվարի 8-ին Իրանում ինտերնետ թրաֆիկն 90%-ով նվազել է։
Հետևեք մեզ տելեգրամում
