Հայաստանը Թուրքիայի միջոցով Սիրիային է փոխանցել ՀՀ-ում ցմահ դատապարտված սիրիացի վարձկաններին

ՀՀ Արդարադատության նախարարությունը հայտնում է, որ 2026 թվականի հունվարի 14-ին, Հայաստանի Հանրապետությունում ցմահ ազատազրկման դատապարտված Սիրիայի Արաբական Հանրապետության քաղաքացիներ Յուսեֆ Ալաաբեթ ալ-Հաջին և Մուհհռաբ Մուհամմադ ալ-Շխերին, Թուրքիայի Հանրապետության միջոցով փոխանցվել են Սիրիայի Արաբական Հանրապետության իրավասու մարմիններին՝ իրենց նկատմամբ կայացված դատավճիռների հետագա կատարումը իրենց քաղաքացիության պետությունում շարունակելու նպատակով: Նշենք, որ այդ վարձկանները գերեվարվել են Արցախյան 44-օրյա պատերազմի ընթացքում ՀՀ ԶՈւ զինծառայողների կողմից։

Փոխանցումն իրականացվել է համապատասխան իրավասու մարմինների միջև համագործակցության և կիրառվող իրավական մեխանիզմների ներքո: