Բելառուսի ռազմարդյունաբերական պետական կոմիտեի նախագահ Դմիտրի Պանտուսը Բաքվում հանդիպել է Ադրբեջանի պաշտպանության նախարար Զաքիր Հասանովի հետ։ Կողմերը քննարկել են ռազմատեխնիկական համագործակցության զարգացումը, այդ թվում՝ ռազմական նշանակության արտադրանքի փոխադարձ մատակարարումների ընդլայնման և տեխնոլոգիաների փոխանակման հարցերը։ Այս մասին հայտնել է Բելառուսի ռազմարդյունաբերական պետական կոմիտեն։
Բելառուսական կողմի հաղորդմամբ՝ հանդիպման ընթացքում կողմերը քննարկել են նաև երկու երկրների ռազմատեխնիկական համագործակցության ներկա վիճակը, դրա զարգացման հնարավոր ուղղությունները և արդյունաբերական համագործակցության խորացումը:
Բելառուսի ռազմարդյունաբերական պետական կոմիտեի նախագահ Դմիտրի Պանտուսը Բաքվում է՝ մասնակցելու Ադրբեջանի միջազգային «ADEX-2026» ռազմական ցուցահանդեսին։
Հետևեք մեզ տելեգրամում
