Թուրքիայում համավարակի պատճառով պարետային ժամ կմտցվի

Թուրքիայի նախագահ Ռեջեփ Թայիփ Էրդողանը հայտարարել է, որ կորոնավիրուսի պատճառով մայիսի 23-26-ը պարետային ժամ կմտցվի երկրի բոլոր նահանգներում։

«Մայիսի 23-ին, 24-ին, 25-ին և 26-ին երկրի բոլոր նահանգներում կմտցվի տնից դուրս գալու արգելքը: Նահանգներից 15-ում մուտքի և ելքի արգելքը կերկարաձգվի ևս 15 օրով: Միայն մայիսի 24-ին, ժամը 14: 00-ից 20:00-ը տնից կկարողանան դուրս գալ միայն 65 տարեկան և բարձր քաղաքացիները», – ասել է Թուրքիայի նախագահը ազգին ուղղված իր ուղերձում ՝ նշելով, որ սահմանափակումները մտցվում են մահմեդական Էիդ ալ-Ֆիթր (Ուրեզա-Բայրամ) տոնի կապակցությամբ:

Էրդողանը նաև նշել է, որ մայիսի 29-ին կվերաբացվեն այն մզկիթները, որոնք համապատասխանում են համաճարակի պատճառով սահմանված պահանջներին։ Թուրքիայում մանկապարտեզները կվերաբացվեն հունիսի 15-ից, իսկ դպրոցներում դասերը կվերսկսվեն սեպտեմբերից։