Ամերիկյան Tesla ընկերությունը ԱՄՆ-ում սկսել է հանրահայտ Model Y ամենագնացի նոր՝ լիաքարշակ (AWD) տարբերակի վաճառքը։ Այս մասին նշված է ընկերության պաշտոնական կայքում։ Նոր մոդելի արժեքը 41.99 հզ դոլար է։
Անցյալ տարվա հոկտեմբերին ընկերությունը վաճառքի է հանել Model Y-ի և Model 3 սեդանի «ստանդարտ» հետնաքարշակ տարբերակները։ Դրանք 5-5.5 հազար դոլարով ավելի էժան են նախկին բազային հետնաքարշակ մոդելներից, որոնք այժմ կոչվում են «պրեմիում»։ Մասնավորապես, ամենագնացի ստանդարտ տարբերակն արժե 39,99 հազար դոլար, իսկ պրեմիում տարբերակը՝ 44.99 հազար դոլար։
Model Y-ի լիաքարշակ տարբերակը՝ ընթացքի ավելացված պաշարով, նույնպես դարձել է «պրեմիում» (նախկինում՝ Long Range) և արժե 48.99 հազար դոլար: Performance տարբերակը, որն աչքի է ընկնում արագ թափառքով և առավելագույն բարձր արագությամբ, վաճառվում է 57.49 հազար դոլարով:
Հունվարի վերջին Tesla-ի ղեկավար Իլոն Մասկը հայտարարել է, որ ընկերությունը կդադարեցնի ավելի բարձր գնային սեգմենտին պատկանող Model X քրոսովերների և Model S սեդանների արտադրությունը, որոնք թարմացվել են անցյալ ամռանը՝ բոլոր համալրումների համար գների բարձրացմամբ։
Էլեկտրամոբիլներ արտադրող ընկերության բաժնետոմսերը երեքշաբթի օրվա նախասակարկությունների ընթացքում թանկանում են 1%-ով։
Հետևեք մեզ տելեգրամում
