Իրանի ԱԳՆ խոսնակ Էսմայիլ Բաղաեին, անդրադառնալով ԱՄՆ հետ բանակցություններին, նշել է, որ դրանց անցկացման վայրի վերաբերյալ քննարկումները շարունակվում են: Փոխանցում են իրանական ԶԼՄ-ները:
«Բանակցությունների անցկացման վայրի և ժամանակի որոշումը բարդ հարց չէ և չպետք է դառնա մեդիա շահարկումների առիթ։ Թուրքիան, Օմանը և տարածաշրջանի մի շարք այլ երկրներ պատրաստակամություն են հայտնել հյուրընկալել բանակցությունները»,- ընդգծել է նա։
Նշենք, որ ավելի վաղ ամերիկյան ԶԼՄ-ները հայտնել էին, որ Իրանի ԱԳ նախարար Աբբաս Արաղչին ու ԱՄՆ նախագահի՝ Մերձավոր Արևելքի հարցերով հատուկ բանագնաց Սթիվ Ուիտքոֆը ուրբաթ օրը հանդիպելու են Ստամբուլում: Հետագայում լուրեր շրջանառվեցին, որ այդ հանդիպումը կարող է անցկացվել Օմանում:
Հետևեք մեզ տելեգրամում
