WorldoStats վիճակագրական հարթակի հրապարակած վերջին տվյալների համաձայն՝ Հայաստանում չափահաս բնակչության շրջանում գիրության մակարդակը կազմել է 27.9%: Այս ցուցանիշով Հայաստանը 80-րդն է 197 երկրի շարքում:
Հայաստանի հարևան երկրներում գիրության ամենաբարձր մակարդակն ունի Վրաստանը՝ 38.9%: Ընդհանուր առմամբ, ՀՀ հարևան երկրներում գիրության մակարդակն ունի հետևյալ պատկերը.
- Իրան – 25.3% (94-րդ հորիզոնական)
- Վրաստան – 38.9% (23-րդ հորիզոնական)
- Թուրքիա – 34.3% (37-րդ հորիզոնական)
- Ադրբեջան – 27.5% (82-րդ հորիզոնական)
Համաշխարհային մակարդակով գիրության ամենաբարձր ցուցանիշները շարունակում են գրանցվել Խաղաղօվկիանոսյան կղզի-պետություններում, որտեղ այն գերազանցում է 60%-ը, իսկ ամենացածրը՝ Հարավարևելյան Ասիայի և Աֆրիկայի մի շարք երկրներում (Վիետնամ՝ 2.1%, Եթովպիա՝ 2.4%):
Հետևեք մեզ տելեգրամում
