Ուշադրություն հրավիրելով տարածաշրջանում լարվածության վրա՝ Ֆիդանը շեշտել է, որ պետք է խուսափել ցանկացած քայլից, որը կարող է հանգեցնել հակամարտության տարածմանը/ընդլայնմանը։
Թուրքիայի պաշտպանության նախարարությունը հաղորդագրություն է տարածել, որտեղ նշվել է, որ Իրանից արձակված և դեպի Թուրքիայի օդային տարածք շարժված բալիստիկ հրթիռը չեզոքացվել է Արևելյան Միջերկրականում տեղակայված ՆԱՏՕ-ի ՀՕՊ-ի կողմից։ Նշվել է, որ զոհեր և վիրավորներ չկան։
«Թուրքիան աջակցում է տարածաշրջանային կայունությանը և խաղաղությանը և ի զորու է ապահովել իր տարածքի և քաղաքացիների անվտանգությունը՝ անկախ նրանից, թե ումից կամ որտեղից են գալիս սպառնալիքները։ Մեր ցամաքային ու օդային տարածքը պաշտպանելու համար անհրաժեշտ բոլոր քայլերը վճռականորեն կձեռնարկվեն: Հիշեցնում ենք, որ մենք իրավունք ենք վերապահում արձագանքել մեր երկրի դեմ ուղղված ցանկացած թշնամական վերաբերմունքի: Կոչ ենք անում բոլոր կողմերին զերծ մնալ այնպիսի գործողություններից, որոնք կարող են ավելի խորացնել հակամարտությունը տարածաշրջանում: Այս համատեքստում մենք կշարունակենք խորհրդակցել ՆԱՏՕ-ի և մեր մյուս դաշնակիցների հետ»,- նշվում է ՊՆ հաղորդագրության մեջ:
Հետևեք մեզ տելեգրամում
