Էրդողանը անդրադարձել է ազգությամբ հայ գործիչների ներգրավվածությանը Թուրքիայի քաղաքական կյանքում

Թուրքիայի նախագահ Ռեջեփ Թայիփ Էրդողանը նախագահական պալատում կազմակերպված իֆթարի արարողության շրջանակներում հանդիպել է կրոնական փոքրամասնությունների ներկայացուցիչների հետ։ Իֆթարին մասնակցել են 21 փոքրամասնությունների համայնքների ներկայացուցիչներ, այդ թվում՝ Պոլսո Հայոց պատրիարք Սահակ Մաշալյանը։

Միջոցառման ընթացքում ունեցած ելույթում Էրդողանը ասել է․ «Մեծ գոհունակությամբ ենք նշում, որ տարբեր հավատքներ դավանող մեր քաղաքացիները ակտիվորեն ներգրավված են ակադեմիական ոլորտում, բիզնեսում և քաղաքականությունում։ Վերջերս հայկական ծագում ունեցող մեր քաղաքացիներից մեկի նշանակումը համայնքի ղեկավարի պաշտոնում և մեր հայ պատգամավորների երկարամյա ծառայությունը Թուրքիայի Մեծ Ազգային ժողովում դրա լավագույն օրինակներից են։ Հուսով եմ՝ առաջիկա շրջանում ևս միասին՝ համագործակցության և համախոհության մթնոլորտում, կշարունակենք ավելի բարելավել այս միջավայրը»,- նշել է Էրդողանը։