Իրանի արտաքին գործերի նախարար Աբբաս Արաղչին Իքս սոցցանցում հերքել է այն պնդումները, թե Թեհրանը ծրագրել էր առաջինը հարվածել ԱՄՆ-ին՝ դրանք անվանելով ոչ հավաստի:
«Սուտ է պնդումը, թե Իրանը ծրագրել էր հարվածել ԱՄՆ-ին կամ ամերիկյան զինված ուժերին»,- գրել է Արաղչին:
Նա ընդգծել է, որ նման մեղադրանքներն օգտագործվում են բացառապես Իրանի դեմ ամերիկյան և իսրայելական գործողություններն արդարացնելու համար:
Փետրվարի 28-ին Իսլամական Հանրապետության դեմ ռազմական գործողության մեկնարկից հետո ԱՄՆ նախագահ Դոնալդ Թրամփը հայտարարել էր, որ Իրանի գործողություններն ուղղակի սպառնալիք են ԱՄՆ-ի համար:
«Մեր նպատակն է պաշտպանել ամերիկացի ժողովրդին՝ վերացնելով իրանական ռեժիմի անմիջական սպառնալիքները»,- ասել է Թրամփը՝ հավելելով, որ Թեհրանը չպետք է միջուկային զենք ունենա:
Հետևեք մեզ տելեգրամում
