Չնայած ԱՄՆ-ի և Իսրայելի կողմից մոտ երկու շաբաթ տևած անդադար օդային հարվածներին և Գերագույն առաջնորդ Ալի Խամենեիի սպանությանը՝ Իրանի վարչակարգը մնում է կայուն և մոտ ժամանակներս փլուզման վտանգի տակ չէ։ Այս մասին հայտնում է Reuters գործակալությունը՝ հղում անելով ԱՄՆ հետախուզության գաղտնի զեկույցներին։
Ըստ հետախուզական տվյալների՝ Իրանի կրոնական և ռազմական վերնախավը պահպանում է ներքին համախմբվածությունը, և ղեկավարությունը լիովին վերահսկում է իրավիճակը երկրի ներսում։
Իսրայելցի պաշտոնյաները փակ քննարկումներում նույնպես խոստովանել են, որ միայն օդային հարվածները բավարար չեն լինի վարչակարգը տապալելու համար և դա հավանաբար կպահանջի ցամաքային հարձակում, որը «հնարավորություն կտա Իրանի ներսում գտնվող մարդկանց անվտանգ բողոքի ակցիաներ իրականացնել փողոցներում»:
Հետևեք մեզ տելեգրամում
