Իրանում իսրայելա-ամերիկյան հարձակումների հետևանքով մինչև 3.2 միլիոն մարդ է ստիպված է եղել հեռանալ իր բնակավայրերից: Այդ մասին հայտնել է ՄԱԿ-ի փախստականների հարցերով գերագույն հանձնակատարի գրասենյակը (UNHCR)։
«Հակամարտության պատճառով 600.000-ից մինչև 1 մլն տնային տնտեսություն է ժամանակավոր տեղահանվել երկրի ներսում, իսկ դա 3․2 մլն մարդ է»,-ասվում է զեկույցում, հայտնում է Interfax-ը:
Նշվում է, որ տեղահանվածների մեծ մասը հեռացել է Թեհրանից և այլ խոշոր քաղաքներից դեպի երկրի հյուսիս և գյուղական վայրեր:
«Այս թիվը, հավանաբար, կշարունակի աճել, քանի որ ռազմական գործողությունները շարունակվում են», -ասվում է գործակալության հայտարարությունում:
Փետրվարի 28-ին Իսրայելն ու ԱՄՆ-ն օդային հարվածներ են հասցրել Իրանին, հարվածների հետևանքով սպանվել է Իրանի գերագույն հոգևոր առաջնորդ այաթոլլա Ալի Խամենեին: Իրանը պատասխան կրակ է բացել Իսրայելի, ինչպես նաև Պարսից ծոցի երկրների ուղղությամբ, որտեղ տեղակայված են ԱՄՆ ռազմակայններ:
Հետևեք մեզ տելեգրամում
