Ադրբեջանի տարածքով Հայաստան է ուղարկվել ռուսական պարարտանյութ և հնդկաձավար

Ադրբեջանական լրատվամիջոցների հաղորդմամբ՝ այսօր Բաքվի մերձակայքում գտնվող Բալաջարի երկաթուղային կայարանից դեպի Հայաստան է ուղարկվել տարանցիկ բեռ՝ Ռուսաստանի Դաշնությունից։

Ըստ աղբյուրի՝ Հայաստան է ուղարկվել 4 վագոն պարարտանյութ և 1 վագոն հնդկաձավար։ Պարարտանյութի ընդհանուր քաշը կազմել է 271 տոննա, իսկ հնդկաձավարինը՝ 68 տոննա։

Նշենք, որ ավելի վաղ ևս Ռուսաստանից դեպի Հայաստան, Ադրբեջանի տարածքով, տեղափոխվել էր ավելի քան 23 հազար տոննա հացահատիկ և ավելի քան 700 տոննա պարարտանյութ։